Nadakpan na ang tatlo ka mga suspetsado sa pagpangluthang sa anay Barangay Tanod sa Barangay 22, Bacolod City, kagab-i, Marso 13.
Madumduman nga ginluthang-patay si Ruben Altamira, residente sang Purok Gahili-ugyon, Barangay 23 samtang naga-inom sa tiyangge sa corner sang Rizal kag Hilado Streets sa Barangay 22.
Sa inisyal nga impormasyon, mag-utod ang duha sa mga suspetsado samtang bayaw naman nila ang ang isa sa nagbulig sa nasambit nga krimen.
Sa interview sang Bombo Radyo kay alyas “Jeremy”, nagtiro sa biktima, ginkadtuan sila sang mga kapulisan rason nga sila ang na-trap kag nadakpan.
Narekober sang kapulisan ang mga armas-luthang kag mga bala kasubong man ang isa ka motorsiklo sa ila boarding house.
Gin-ako man sang isa sa mga suspek nga siya mismo ang nagtiro kay Altamira.
Suno kay alyas “Jeremy”, madamo sila sang may gin-awayan ni Altamira nga isa sa rason kun ngaa nahimo niya ang krimen.
Pahayag sini nga sa kada magkitaay sila sang biktima, siya ang masami sini nga ginasenyasan nga patyon.
Samtang ginpanginwala naman sini nga involved ang iya mahulang nga si Junjun kag ang bayaw nga si Jonathan.
Suno kay Jeremy, abyan sini ang iya nga angkas sa motorsiklo sang ginhimo ang krimen.
