Nakilal-an na ang suspek nga nagluthang-patay sa security guard sa Purok Zone 1, Barangay Handumanan, Bacolod City sang Miyerkules sang Hapon.
Ginkilala ang biktima nga si Arnold Caballes, 37 anyos, tumandok sa ciudad sang Kabankalan apang siyam ka tuig na nga nagapuyo sa Purok Ilaya, Barangay Cabug, Bacolod City, kaupod ang iya live in partner.
Sa interview sang Bombo Radyo kay Dholly Malalu-an, may yara sang ginsugo si Caballes para mag-utod sang kahoy kag ang nasturyahan amo nga 20 kabilog lang ang tandogon apang naubos ang 28 tanan ka kahoy.
Suno diri, ini ang ginkaakig ni Caballes tubtob nga nagbaisay sila sang iya ginsugo paagi sa messages lamang.
Samtang, sang tinalikdan nga semana may isa pa gid ka naargumento si Caballes nga amo ang isa ka Civilian Armed Forces Geographical Unit (CAFGU) nga nagamessage kay Malalu-an.
Apang suno kay Malalu-an wala sini makaagi ginreplyan ang CAFGU kag sang si Arnold ang nakakita sang message, siya mismo naghambal sa CAFGU nga magpalayo sa ila.
Si Caballes ang anay suldado apang nag-untat na ini kag wala na nagbalik pa sa serbisyo.
Samtang, sang ginapakita naman sa witness ang CCTV video sa paglabay sang suspek didto natumod nga ang naargumento sini sa transaksyon sang kahoy ang suspetsado.
Apang sa hot pursuit operation nga ginpatigayon sang Bacolod Police Station 10, wala na sa ila puluy-an ang suspetsado kag nalagyo na.
