Nagpanawagan si Negros Oriental 3rd District Representative Arnolfo “Arnie” Teves Jr. kay President Ferdinand “Bong Bong” Marcos Jr, nga buksan sang presidente ang iya paminsaron kag usisaon kun paano nalab-ot ang konklusyon apisar nga wala pa sang imbestigasyon.
Suno kay Teves, ang mga ginabuhat sang mga ahensya kaangay sang pag-raid sa iya puluy-an, pagtanom sang mga ebidensya, kag pagsulod sa iya manokan, ang makabig na nga pagpangharass sa iya.
Suno diri, wala na ini sang may mahimo pa sa ginaduso nga siya ang may kaangtanan sa mga terorista, bangod gilayon na lamang ini nga ginpatihan apisar nga wala sang kamatuoran.
Gani, nagpanawagan ini sa presidente sang pungsod nga hibaluon kun paano nagdangat sa konklusyon apisar nga wala sang imbestigasyon.
Dugang pa niya nga bilang presidente kag bilang amay sang pungsod, dapat nga yara ini sa tunga kag indi mag-apin sa kun kay sin-o na lamang.
