-- ADVERTISEMENT --
Nagmando ang Regional Inter-Agency Task Force against COVID-19 sang Western Visayas nga pagabatakon na ang temporary suspension sang sea travel sa Iloilo City kag Dumangas port epektibo Hunyo 1, 2021, magluwas lang kun iextend sang mga opisyales.
Madumduman nga ginpatuman ang temporary suspension sadtong Mayo 25 sang kaagahon kadungan sang pagpagwa sang Executive Order No. 041-A series of 2021 ni Iloilo City Mayor Jerry Treñas nga nagapaidalum sa ciudad sa Modified Enhanced Community Quarantine (MECQ) humalin sang Mayo 23 tubtob Mayo 31.
Kadungan sini, nagpanugyan ang IATF Western Visayas sa mga byahero nga magsunod sa minimum health protocols kadungan sang byahe.
