Ginpahayag sang pinuno sang isa ka parent-teacher group nga dapat agwantahon na lamang sang mga ginikanan kun suspendido ang klase apisar nga yara na sa mga buluthuan ang mga estudyante.
Ini matapos ang class suspensions sang nagliligad nga mga inadlaw bangud sa mataas nga heat index nga narekord sang weather bureau sang pungsod.
Suno kay Willy Rodriguez, presidente sang National Parent-Teachers Association, dapat nga naga-eskwela ang mga kabataan kag kun wala nagalab-ot ang temperatura sa ginalauman nga 42 degrees celsius nga dangerous heat index nagakanugon lang ang klase.
Suno diri, ila nagakakita nga mas maayo nga magfocus sa preventive measures natuhoy sa kainiton imbes nga sa suspension mismo.
Ginpahayag man sini nga apisar ang mga eskwelahan ang may mga pasilidad kaangay sang drinking fountains, ang iban ang nagakinahanglan nga magbayad para sa mga serbisyo sini.
