Ginkasugtan sang Department of Agriculture kag Sugar Regulatory Administration (SRA) ang pagpalawig sang Molasses Order No. 1 nga nagasuspendi sa importasyon sang molasses tubtob sa katapusan sang Marso 2026.
Sa rekomendasyon ni Agriculture Secretary Francisco Tiu Laurel Jr., suno kay SRA Administrator Pablo Luis Azcona nakit-an nga kinahanglan ang extension samtang nagapabilin nga yara sa kapin 250,000 metric tons ang stock level nga makonsiderar nga supesyente pa.
Suno kay Azcona, ang milling operations nag-umpisa sang Oktubre 1 sa Negros Island kun sa diin nagdangat sa 84,000 metric tons ang molasses production as of November 9.
Ginalantaw sini nga ang extension makabulig sa mga millers sang local stock para sa mas manami nga presyohanay sang molasses.
Madumduman nga ang Molasses Order No 1 na-issue sang Setyembre sa pagsuspend sa pagpasulod sang imported nga molasses tubtob sa katapusan sang sini nga tuig agud maprebentar nga magnubo pa gid ang presyohanay.
