Wala na sa siyudad sang Cadiz ang suspetsado nga naghimulos sa 13 anyos nga estudyante samtang padulong sa eskwelahan sang Lunes.
Sa impormasyon nga nakuha sang Bombo Radyo, indi hinablos kundi pakaduha sang madrasto sang biktima nga taga Brgy. Magsaysay ang suspetsado.
Ini ang ginkilala kay Marlon Beboso Jr., 35 anyos.
Nakabaton sang impormasyon ang mga pulis nga yara sa Brgy. Zone 1, Cadiz City ang suspetsado apang wala ini naabtan sang ila ginrespondihan.
Natukiban naman nga gin-abandonar sang suspetsado ang iya nga motorsiklo sa Cadiz.
Si Beboso ang ginapahayag nga nagapangatubang man sang kaso sa Iloilo kag Kabankalan City.
Ginalantaw naman nga madugayan pa antes makagwa sa ospital ang biktima nga nakaangkon sang pilas sa guya kag ulo matapos nga ginlampusan sang bato.
