Gilayon nga nagsungka ang suspetsado sa paglabo-patay sa isa ka lalaki sa banwa sang Calatrava.
Alas-6:00 sang gab-i sang Disyembre 10 sang nagluntad ang insidente kun sa diin napatay sang suspetsado nga si Samuel Villamor, 32-anyos sang Sitio Pagtagoan, Brgy. Telim ang biktima nga si Julyten Esconde, 25, sang Brgy. Malanog.
Santo sa imbestigasyon, yara ang duha sa compound sang ila landlord sa Sitio Pagtagoan, Brgy. Telim sang naglalisay ang mga ini kun sa diin una nga ginlabo sang biktima ang suspetsado nga nakaangkun sang mga pilas sa iya nga guya, nawala nga hawak kag nawala nga paa rason nga nagbalos ini.
Sang nagbalos si Villamor, naigo sini ang liog ni Esconde nga gintunaan sang iya gilayon nga kamatayon.
Gilayon man nga nagpalagyo sa crime scene si Villamor apang nagsungka ini sa isa ka barangay kagawad kag siya ang gindala sa Calatrava Municipal Police Station.
