-- ADVERTISEMENT --
Gilayon nga nagsungka sa mga otoridad ang suspetsado nga naglabo-patay sa isa ka sakada sa banwa sang Moises Padilla nagligad nga adlaw.
Uyat na karun sang Moises Padilla Municipal Police Station ang suspetsado nga si Jane Pescadero, 30-anyos, isa man ka sakada kag residente sang Brgy. Montilla kag amo ang nagpatay sa biktima nga si Antonio Clarion, 64-anyos sang nasambit man nga barangay.
Santo sa imbestigasyon sang kapulisan, nagalakat si Clarion sang ginsundan ini sang suspetsado, alas-8:00 sang aga nagligad nga Disyembre 8, kag iya ini ginlabo sang espading.
Nakaangkun sang pilas sa nagkalain-lain nga parte sang lawas si Clarion kag nautod pa ang nawala nga kamot sini.
