Nakagwa na sang Lunes sang hapon ang suspek nga nagtiro sa katapo sang Philippine Army sa Purok San Roque, Barangay Handumanan, Bacolod City.
Sa interview sang Bombo Radyo Bacolod kay Police Captain Lelanie Lagoting, station commander sang Bacolod Police Station 10, nakagwa ang suspect nga si Jeffrey Layaon matapos maka-execute sang extra judicial confession kag natapos man ang reglementary period nga wala sang napasaka nga kaso batok diri.
Suno kay Lagoting, wala gilayon napasaka ang kaso batok sa suspek bangud sang Lunes lamang nahikutar ang mga papeles sang biktima kaangay lamang sang medico legal kag ang army ang nagapabilin pa sa karun sa ospital.
Suno sa station commander sa tion nga matapos na nga maproseso ang mga kinahanglanon nga papeles, ipasaka sang mga ini ang kaso batok kay Layaon paagi sa regular filing agud nga maissuehan ini sang warrant of arrest.
Nagpasalig man si Lagoting sa pamily sang biktima nga indi magpakulba apisar nga nakagwa ang suspek bangud kun ano man ang matabo sa ila ang suspek ang una nga pangitaon bangud ini ang una nila nga nakuntra.
