Ginpahayag sang station commander sang Bacolod Police Station 1 nga tatlo ka kaso sang murder ang ginpasaka sa ginatudlo nga imbulbado sa paghimo sang mga shooting incidents sa syudad sang Bacolod nga natabo sang tinalikdan nga tuig.
Suno kay Police Major Ramel Sarona, ang Bacolod Police Station 2 ang nagapasaka sang kaso batok kay Jonathan Divinagracia bangud ini ang residente sang Barangay 2 syudad sang Bacolod.
Suno kay Sarona, sang Enero 21 ini nadakpan matapos nga mamonitor nga isa ka pension house sa Rosario-Mabini kun sa diin ini nagcheck-in agud magpanago.
Gintingob naman nga pwersa sang Regional Intelligence Unit kag Bacolod Mobile Force Company ang nag-aresto kay Divinagracia.
Una naman nga ginpanginwala ni Divinagracia ang ginpasaka sa iya nga kaso bangud gin-aligar sini nga siya ang ginpasibangdan lang.
Nakahunong sa karun si Divinagracia sa Bacolod Police Station 1 kag magapangatubang sa ginpasaka nga kaso batok sa iya.
Ginkumpirmar sang station commander sang Bacolod Police Station 2 nga sila ang nagpasaka sang kaso batok kay Jonathan Divinagracia kasunod sang mga shooting incidents nga nagluntad sa syudad sang Bacolod.
Sa interview sang Bombo Radyo Bacolod kay Police Captain Jonito Pastrana, imbulbado si Divinagracia sa tatlo ka mga shooting incidents nga nagluntad sa syudad sang Bacolod.
Suno kay Pastrana, una nabudlayan pa sila nga magtumod kun sin-o ang suspek sa nagluntad nga shooting incidents bangud ang nagagwa nga pangalan amo si alyas “tan tan” apang sa ikatatlo na nga nagluntad nga shooting incidents natigayon nga maunmask na sang station 2 kag makilala ang may kahimuan sang krimen.
Naghimo man ang mga ini sang tikang agud nga mapasakaan sang kaso nga murder si Divinagracia.
Suno kay Pastrana, wala sang piyansa ang kaso sini kag siya ang imbulbado sa illegal nga druga.
Nagapanago man ini bangud may yara na ini nga daan sang warrant of arrest.
Ginpahayag man sang station commander sang police station 2 nga sa ila assessment si Divinagracia ang ginasugo sang mga grupo nga magtipok sang mga drug personalities nga namonitoran nga nagapang-onse sa transaction sa illegal nga druga.
Suno kay Pastranan ang nadakpan ang isa sa mga remnants sang Cuadra Drug Group.
May upod man si Divinagracia nga Ette Javier apang yara na sa Bureau of Jail Management and Penology matapos nga madakpan sang August 2022.
Kalakip sa mga nabiktima ni Jonathan Divinagracia amo sanday Elmar Gayatin, 27 anyos, single, residente sang Sitchiricas San Juan, Pontevedra, Negros Occidental ang ginpatay sang December 25, 2021; Donald Joseph Casiano, 28 anyos, single kag residente sang Glendale Subdivision, Barangay Granada, Bacolod City ang ginpatay sang January 26, 2022 alas 10:05 sang gab-i sa Purok Sigay, Barangay 2, Bacolod City kag ang ikatatlo amo si Joenard Esquilla, 40 anyos, kasado kag residente sang Purok Sigay, Barangay 2, Bacolod City.
