At large ang suspek nga nagbuno sa 45 anyos nga lalaki sa atubang sang LJP warehouse, Araneta Highway, Saint Vincent Village, Brgy. Tangub, Bacolod City kahapon sang hapon.
Ginkilala ang biktima kay Ireneo Pangatihon, 45 anyos, kasado kag residente sang Prk. Sunflower, Brgy. Cansilayan, Murcia, Negros Occidental.
Samtang ang suspek ang ginkilala kay Jonard Moreño, 40 anyos, single kag residente sang Sitio Pucatod, Brgy. Pag-ayon, Pulupandan, Negros Occidental.
Sa interview sang Bombo Radyo Bacolod kay Police Captain Greeky Cayao, station commander sang Bacolod Police Station 8, santo sa ila imbestigasyon antes pa man nagluntad ang pagpamuno nagainum-inum ang ang biktima kag ang suspek.
Suno kay Cayao, sa tunga sang pag-inum-inum nagluntad ang paglalisay sa tunga sang duha nga nagresulta sa pagpamuno.
Ang biktima ang nakaangkon sang lima ka buno sa likod sini was kag ginhingagaw dala sa ospital apang wala na ini natabangan.
Samtang ang suspek ang nagpalagyo naman sa wala mahibaluan nga direksyon.
Ginaimbestigaran sa karun sang mga kapulisan ang rason sang ginlalisan sang duha nga nagdangat sa pagpamuno.
