Ginpahayag man sang chief investigator sang Bago City Police Station nga may yara na sila sang narekord nga kaso batok sa suspetsado nga nagpatay sa nakabais niya sa parkingan sa gwa sang hardware sa Barangay Ma-ao syudad sang Bago kahapon sang aga.
Suno kay Police Senior Master Sergeant Job Ogares, ang suspetsado nga si Jonas Lohan Tobongbanua ang may yara sang pending nga mga kaso.
Suno kay Ogares, nakarecord ang Bago City Police Station sang kaso nga frustrated murder matapos gintiro ni Jonas kag kaupod sini si Punong Barangay Federico Gayagas Jr. sang Barangay Bacong, Bago City pila na ka tuig ang nakaligad.
Nakaagom sang igo sang bala sa nagkalain-lain nga bahin sang lawas ang punong barangay apang ini ang nakaluwas.
Apang indi man madumduman ni Ogares kun san-o natabo ang krimen bangud patay na ang imbestigador nga nag-imbestigar sa kaso nga frustrated murder.
Samtang may yara man sang pending nga kaso si Tobongbanua sa banwa sang sang Murcia.
