Suspetsado sa rice investment scam nga si Jennifer Nierves, arestado matapos ginserbehan sang warrant of arrest

Arestado ang isa sa mga suspestado sang rice investment scam nga nagtrending sang Setyembre sang tinalikdan nga tuig matapos nga ginserbehan sang warrant of arrest sang Bacolod Police Station 4 kahapon.

Sa interview sang Bombo Radyo kay Police Major Jun Ray Batadlan, station commander sang Bacolod Police Station 4, ginserbehan sang warrant of arrest kag natigayon nga naaresto si Jennifer Nierves, 30 anyos, residente sang East Home 2, Barangay Estefania, Bacolod City.

Madumduman nga madamo ang nagreklamo sa iya may kaangtanan sa rice investment scam sang tinalikdan nga tuig.

Sa karun yara na ini sa kustodiya sang kapulisan.