Nagapati si Bacolod City administrator Em Legaspi-Ang nga bentaha ka tama ang patigayunon nga surveillance testing sa tatlo ka mayor nga mga pampubliko nga merkado sa Bacolod.
Nahibaluan nga bwas, patigayunon ang swab test sa mga vendor sa Libertad, Central kag Burgos Public Markets.
Sa interview sang Bombo Radyo Bacolod kay Ang, ginpahayag sini nga mas maayo gid nga ma-swab test ang mga vendor agud ma-isolate dayon ang mga positibo kag indi na makalaton pa.
Suno kay Ang, kun mahibaluan dayon ang mga positibo nga vendor, mas makapatuman ang city government sang nagakaigo nga health protocol sa mga merkado.
Magluwas diri suno sa city administrator, mapasiguro pa ang publiko nga hilway sa COVID-19 ang merkado.
Samtang, nagpanugyan naman si Ang sa publiko nga indi magpakampante bangud nga single digit nalang ang kaso sang coronavirus sa ciudad.
Nahibaluan nga humalin sang Setyembre 29, nagapanaog na ang numero sang mga nagapositibo sa balatian sa Bacolod.
Dugang pa ni Ang nga natalana sa Oktubre 15 magabiya sa ciudad si IATF deputy chief implementer for Visayas Gen. Melquiades Feliciano.
