-- ADVERTISEMENT --
Ginkumpirmar sang Swiss-Ski federation nga napatay na ang 26 anyos nga Swiss Olympic Snowboarder nga si Sophie Hediger.
Si Hediger ang nagtaliwan matapos nga maabtan avalanche ukon hinali nga pagkarumpag sang snow sa mountain resort sang Arosa sa Arosa, Switzerland.
Madumduman nga si Hedige ang nakakuha sang first two World Cup podium places sa 2023-24 season kag nagpasakop man sa 2022 Winter Olympics sa China.
Suno sa Swiss-Ski, indi na nila pag-ibuyagyag ang dugang nga detalye sa pagkamatay sang Olympic Snowboarder bilang pagsunod sa hingyo sang pamilya sini.
Nagpalab-ot naman sang pagpakig-unong ang Sport CEO sang Swiss-Ski nga si Walter Reusser sa pamilya ni Hediger bangud sa hinali sini nga kamatayon.
-- ADVERTISEMENT --
