Nagdangat sa P225 million ang nagasto sang Sydney state goverment sa Australia para sa fireworks show.
Sa interview sang Bombo Radyo kay Denmark Suede, Bombo International News Correspondent derekta sa Australia, normal lang para sa pungsod nga kada magpatigayon sang fireworks show nagadangat sa kapin sa 1.5 milliion ang tawo nga nagpadulong sa venue agud nga maglantaw sang fireworks show sa pagsugata sa tuig 2025.
Suno diri, nagdangat sa P225 million ang nagasto para sa 25 minutos nga fireworks show.
Limitado man ang makasulod sa iban nga areas agud malikawan ang stampede samtang ang iban nga venue naman ang may bayad antes makasulod.
Pahayag ni Suede, madako ang gasto sang gobyerno apang mas dako ang balik sa ila bangod sa mga turista nga nagabisita.
Samtang, wala naman sang may narekord nga fireworks related injury apang may gindala lang sa ospital bangod sa tuman ka hubog kag food poisoning bangod sa sobra-sobra nga pagkaon.
Ang wisdom sa likod sang pagpatigayon sang fireworks show ang para sa safety sang tanan nga nakasaad sa layi indi kaangay sa Pilipinas nga may layi apang wala man ginatuman.
