-- ADVERTISEMENT --

Ginpahayag ni ousted president Bashar al-Assad nga nagbiya lamang ini sa Damascus sang nakuha na sang mga terorista nga amu sa karun ang bag-o nga mga pinuno sang Syria ang Presidential palace.

Si Assad ang nagpalagyo padulong sa Russia masobra isa ka semana na ang nakaligad matapos nga malutos ang gobyerno sini sang Islamist Hayat Tahrir al-Sham (HTS).

Ang pagcollapse sang pagpamuno ni Assad ang gintunaan sang mga selebrasyon sa palibot sang Syria matapos ang ginhimo sini sa democracy protests sang 2011 nga gintunaan sang isa sa pinakamakamamatay nga gyera sa isa ka siglo.

Antes paman ang pagtuhaw sang HTS kag jihadists groups sa Syrian war, masami na nga ginahingadlan ni Assad ang iya mga kasumpong lakip na ang mga non-violent protesters bilang mga terorista.

Suno sa iya, ang pagbiya sini sa Syria ang wala ginplanuhan kag natabo na lamang sa ulihi nga mga inoras sang pag-ilinaway.

-- ADVERTISEMENT --