Ginaduso sa House of Representatives ang hagna nga nagakakas sang system loss charges sa electrity bills.
Ang hagna nga House Bill (HB) No. 10430 ukon ang Systems Loss Charge Abolition Act ang gin-file nanday House Speaker Faustino “Bojie” Dy III kag Majority Leader Sandro Marcos sang Ilocos Norte.
Ini ang kasunod sang announcement ni President Ferdinand Marcos Jr. sa iya ikalima nga State of the Nation Address (SONA) nga dapat indi pag-abagahon sang kunsumidor ang systems loss.
Sa hagna, ginadumilian ang distribution utilities sa pag-recover sang disallowed system losses paagi sa wheeling charges, supply charges, metering charges, universal charges, subsidies ukon ang iban nga item nga makita sa bulanan nga bill.
Dugang pa, indi dapat bayaran sang kunsumidor ang losses bangud sang defective ukon sala nga metro, billing kag collection deficiencies, kulang nga maintenance, palpak nga operasyon, kapabayaan kag iban nga rason nga yara sa kontrol sang utility.
Gin-file man ni Sen. Erwin Tulfo ang kaangay nga hagna sa Senado.
