Wala sang may ginpatigayon nga kanselasyon sa klase ukon blended learning sa pre-school tubtob sa senior high school sa siyudad sang Silay.
Sa interview sang Bombo Radyo kay Silay City Mayor Joedith Gallego, wala sang may ginpatuman nga suspension sa klase ukon pagbalhin sa blended learining sang mga buluthuan sa siyudad apang padayon ini nga nagamonitor sa plano sang Department of Education.
Nakabaton naman ini sang mga reklamo gikan sa mga buluthuan kag requst sang dugang nga electric fan gani, ginatrabaho sini sa karun nga masulosyonan ang problema agud nga ini matam-an ang mga kabataan.
Gin-abisuhan man sini ang mga estudyante, manunudlo, kag mga ginikanan nga bantayan ang mga kabataan kag mag diretso pauli sa balay nga indi na mgahapit hapit pa kun sa diin.
Sa karun, wala sang narecord nga nalipong ukon nasunggo nga mga estudyante bangod sa tuman nga kainiton.
Samtang, mas gin-ugyonan man sini nga ibalik ang nakaandan na nga school calendar kun sa diin magasugod ang klase sa Hunyo kag magasira sa Abril tubtob Mayo.
