Ginkumpirmar sang pinuno sang Bacolod City Police Office nga bag-o lang nakalumbos sa northbound terminal ang mga miyembro sang Tactical Motorcycle Riding Unit sang ginpatay ni Lino ‘Dodoy’ Cuadra kagab-i.
Suno kay Police Col. Manuel Placido, mahimo nga may yara sang encounter sa tunga sang TMRU kag sang mga suspetsado nga nagasakay sa pula nga Toyota Innova kun wala pa nakahalin ang mga pulis nga nagasakay sa motorsiklo.
Suno kay Placido, indi mahambal kun maayo ang matabo ukon malain bangud kun natabuan nga yara ang TMRU, mahimo nga magabalos ang mga ini sa mga suspetsado.
Indi maayo suno sa BCPO director kun may yara sang engkwentro bangud matawo ang lugar kag mahimo nga madamo ang maulamid.
Ginmandu na sang city director ang maid-id nga imbestigasyon sa pagpatay kay Cuadra.
Nagbalibad man si Placido nga magconclude nga isa lang ang mga suspetsado nga nagasakay sa pula nga Toyota Innova bangud madamo man ang nagapanag-iya sini.
Nahibaluan nga pila na ka krimen sa ciudad ang kahimuan sang mga suspetsado nga nagasakay sa pula nga multi-purpose vehicle (MPV) nga wala gihapon nasolbar tubtub subong.
