Nangin overall champion ang teakwondo team sa ciudad sang Bacolod sa ginpatigayon nga Philippine Taekwondo Association- 2025 Smart/MVPSF Visayas Taekwondo Championship.
Interview clip with Coach Vic Feria sang Hanah Taekwondo
Sa interview sang Bombo Radyo kay coach Vic Feria, nakakuha ang team nila sang 14 ka gold medal, 9 ka silver medal kag 8 ka bronze medal.
Suno diri, sila man ang overall champion sa amo nga competition sang tinalikdan nga tuig.
Pahayag ni Feria, bisan nga may yara sang first timers sa iya team nangin manami sa gihapon ang ila performance.
Sari-sari man nga edad ang iya ginatudloan kun sa diin naka-agi ini tudlo sa 3 years old tubtob sa 19 years old kag may yara pa sang may special needs nga bata.
Aminado naman ang coach nga kun kaisa mabudlay tudloan ang mga bata bangod madasig sila matak-an kag indi sila kapalawig sa training.
Kun kaisa madamo man sang mga ginikanan ang nagakabalaka kun masakitan ang ila kabataan sa training kag may mga bata nga indi maayo makafocus sa training.
Apang apisar sini, nalipay sa gihapon si Feria nga matudlo-an ang mga kabataan.
