Nagpanindugan ang tag-iya sang gina-alegar balay nga ginhalinan sang sunod sa Purok Paghidaet, Barangay 29, Bacolod City kahapon pasado alas-5:00 sang hapon nga wala sang nagawelding sa ila nga balay sang natabo ang sunog.
Sa inisyal nga impormasyon 39 ka pamilya ang apektado kun sa diin 13 ang totally damaged kag tatlo ang partially damaged samtang 21 naman ang sharers kag duha ang renters.
Nahibaluan nga may nagalapta nga impormasyon nga nagluntad ang sunog matapos nga gindakop sang butane ang kalayo gikan sa pagwelding sang ginakay-o nga balay.
Sa interview sang Bombo Radyo Bacolod kay Marites Lebronio, yara sila sa salas sang balay sang natabo ang sunog, apang panindugan sini nga wala ang panday sang nasambitan nga adlaw gani wala sang naga-welding.
Samtang nakita man nila nga gikan sa gwa ang kalayo sa bahin sang ila ugsaran, gani indi man sila segurado kun sa ila gid nga balay nagikan ang kalayo ukon sa ila nga kaingod.
Sa karun sila ang yara sa Apolinario Mabini Elementary School sa Barangay 28, matapos nag-ayo si Barangay 29 Punong Barangay Leonard Pascua bangod ginpatay ang kuryente sa ila Barangay Hall.
Suno kay Marites, naghingagaw na lamang sila gwa sa balay sang nakita ang kalayo gani sila ang wala man sang may nasalbar bisan isa ka gamit.
Madamo man sang mga may ginabatyag sa nasambitan nga balay kun sa diin may isa nga yara sa ospital para sa dialysis sang natabo ang insidente, samtang si Marites ang may-ara man sang diabetis, kag ang hinablos sini ang isa ka person with disability (PWD) nga nautdan sang tiil bangod man sa diabetis.
Suno kay Marites, bisan underwear wala sila sang nasalbar sa nagluntad nga sunog.
Sa pihak nga bahin, bisan ang wheelchair sang PWD nga si Christian Lebronio ang wala man sini masalbar agud lamang makaluwas sa sunog.
Pahayag sini nga siya ang nagahigda sa kwarto sa ikaduha nga panalgan sang natabo ang sunog, gani ang saklay na lamang sini ang iya nasalbar sa iya nga paggwa.
Nakaangkon man ini sang kabudlayan sa paggwa sa balay, kun sa diin siya ang makapila man nga nakadanlog bangod sa basa nga salog, apang madamo naman sang nagbulig sa iya sang yara na sa gwa.
Panawagan ni Christian, nga sila ang mabuligan para sa pang-adlaw adlaw nila nga gawion, partikular na sa masuksok nga underwear.
Wala man ang mga ini sang nasalbar gikan sa mga bulong nga ila nga ginatumar.
