Nakita na ang mangingisda nga residente sang Sipalay City, Negros Occidental nga ginreport nga missing tinalikdan nga adlaw.
Sa interview sang Bombo Radyo Bacolod kay Lieutenant Commander Jansen Benjamin, commander sang Philippine Coast Guard Station Negros Occidental, ginkompirmar sini nga nakita na ang mangingisda nga ginreport sang damlag lang.
Santo sa report nga nabaton ni Benjamin, si Ramonito Sanico ang nakit-an sa parte sang Zamboanga sa Mindanao.
Madumduman nga nadula ang mangingisda sang tinalikdan pa nga Disyembre 7.
Indi pa matul-id ni Benjamin ang takna sang pagkadula sang persona bangud wala pa sini mabaton ang opisyal nga report sang Sipalay Coast Guard substation.
Nagpanugyan man si Benjamin sa tanan nga magapalawod nga magdala sang cellphone agud makakontak sa ila mga pamilya ingkaso anu ang matabo sa mga ini.
Padayon pa sa karun ang pagcoordinate sang Philippine Coast Guard sa Area Head sang PCG Zamboanga sa pagpabalik kay Ramonito Sanico sa ciudad sang Sipalay .
