Ginpahayag sang tagapamaba sang Special Joint Task Force- Negros nga may posibilidad nga maglab-ot sa Negros Occidental ang iban pa nga mga suspetsado nga wala nadakpan sa pagpatay kay the late Negros Oriental Governor Roel Degamo.
Sa interview sang Bombo Radyo kay Major Cenon Pancito III, posibilidad nga maglab-ot sa probinsya sang Negros Occidental ang mga suspetsado nagikan sa Oriental ilabi nga isa lamang ini ka isla sang Negros.
Suno diri, ila ginatinguhaan nga indi ini matabo gani ila ginagamit ang kabug-usan nga units sa Negros agud ma-secure ang kabilogoan nga isla.
May yara naman sang nakahanda nga plano para sa isla sang Negros nga agud matapna na ang mga violence nga matabo.
Dugang pa sini, indi man mahimo nga macoveran ang kabug-usan sang Negros sang security apang tanan may responsibilidad sa seguridad nga kinahanglan sa gihapon ang bulig sang tagsa.
