Positibo ang spokesperson sang Negros Electric Power Corporation nga maaprubahan sa Senado ang franchise application sang NEPC.
Sa interview sang Bombo Radyo Bacolod kay Jonathan Cabrera, napasaka sa senado ang franchise application sang NEPC kag kahapon ginpatigayon sang Committee on Public Services sang Senado ang committee hearing angot diri.
Suno kay Cabrera, ang Committee on Public Services, ang ginapamanuan ni Senator Grace Poe kag kaupod si Senator Win Gatchalian kag Senator JV Ejercito.
Suno diri, ang una nga tikang nga ginahimo sang senado amo ang committee hearing para sa proseso sang franchise application.
Suno kay Cabrera, sa paglantaw sini, 50/50 ini sa karun bangud wala sang makahambal kun ini ang aprubahan sang senado ukon ini.
Apang suno diri, sa pagbasa sini sa pahayag sang mga senador, bukas ang senado sa pagbusisi sang application sang prangkisa sa public utilities kaangay sang kuryente.
Ginpahayag man sini nga nagapati si Poe nga ang mga private companies nga nagaenggage sa public services ang makahatag sang maayo nga serbisyo sa mga konsumidor bangud sa capacity sa bahin sang financial ukon sa kinahanglanon nga capital, may yara man ini sang dako nga responsibilidad ini lang sa consumers kundi pati man sa stake kag shareholders.
Ginalantaw man sini nga sa bulan sang Hunyo ukon Hulyo matapos na ang application process sang prangkisa kag mahimo na nga makaserbisyo ang NEPC kun mangin smooth sailing lang man ang pagproseso.
Nagpanugyan man ini sa mga konsumidor sang CENECO nga indi pa ang NEPC makaintra sa operasyon sang nasambit nga electric cooperative bangud ginahulat pa sini ang ila nga prangkisa agud nga mag-operate.
