Tagpamaba sa PDEA Region 6, nag-athag nga indi sa Western Visayas nakadetail ang PDEA Intel Officer nga suspect sa pagpangluthang sa ciudad sang Silay

Ginpahayag sang public information officer sang Philippine Drug Enforcement Agency sa regional office 6 nga active nga miyembro sang ahensya ang isa sa mga suspeks sa pagtiro-patay sa biktima sa Sitio Beranio, Brgy Lantad, ciudad sang Silay, Negros Occidental.

Sa interview sang Bombo Radyo Bacolod kay Ma. Graziella Tanaleon, active ang employment status ni Aljun Bitalac, 29 anyos apang wala ini nakadetail sa PDEA Region 6.

Suno kay Tanaleon, ang natabo nga insidente ang personal bangud wala man sang pre-coordination sa ahensya nga natabo antes ang insidente.

Suno diri, ginahulat nalang nila ang resulta sang imbestigasyon sa mga kapulisan kag kun mapatud-an ang ginhimo sang suspek mangatubang ini sang administrative case.