Gin-athag sang spokesperson sang Land Transportation Franchising and Regulatory Board Regional Office 6 nga humalin sang Enero 1 ang provisional authority sang mga traditional jeepney ang na-revoke na.
Sa interview sang Bombo Radyo Bacolod kay Atty. Salvador Altura, ang mga traditional jeepney nga wala nagpaconsolidate antes matapos ang tuig 2023 ang makabig na nga colorum bangud sang Enero 1 narevoke na ang provisional authority sang mga ini.
Suno kay Altura, ang salakyan nga wala na sang provisional authority ang indi man makabig nga colorum kun wala na ini naga-operate bilang public utility vehicles.
Suno diri, ang nagaoperate nga mga traditional jeepney nga wala na sang provisional authority ang pagadakpon sang Land Transportation Office (LTO) nga amo ang nagapatuman sang layi.
Suno kay Altura, indi man pagdakpon sang LTO kun wala ang mga ini nagabiyahe nga wala sang provisional authority.
Ginpahayag man sini nga ginpatian naman ang tanan nga mga ginahingyo sang mga traditional jeepney drivers kag operators nga irehabilitate lamang ang ila nga jeepney units apang wala ginpasugtan bangud kinahanglan sang mga ini nga magdihon sang isa ka kooperatiba santo sa nakasaad sa jeepney modernization program guidelines.
Ginpahayag man sini nga indi man maqualify ang BACOD sa tion nga mapahanugutan man nga magpakigbahin ang mga ini sa programa bangud indi sila kooperatiba.
Suno kay Altura makapila naman ka beses sini ginplastar sa nasambit nga transport group nga kinahanglan magpaconsolidate apang wala ang mga ini nagtuman sa instruction sa ila nga magpaconsolidate.
Suno kay Altura, may yara sang 541 ka mga consolidated jeepneys kag may 590 ka modernized jeeney gani wala sang mangin problema masakyan ang commuters apang nagakahangawa ang mga ini nga mahimo ini nga kulangon sa actual
