Nagapanugyan ang tagpamaba sang Negros Occidental Police Provincial Office (NOCPPO) sa mga police personnel nga pataason ang personal security may kaangtanan sa kamatayon sang tatlo ka mga persona lakip na ang isa ka pulis sa Handy’s Restobar, Hacienda Bernabe, Brgy. Salvacion, banwa sang Murcia sang Biyernes sang kaagahon.
Suno kay Police Captain Judesses Catalogo, nagpalab-ot sang condolences ang NOCPPO sa pamilya sang mga biktima kag nagpadulong man si Provincial Director Col. Leo Pamittan sa 2nd Negros Occidental Provincial Mobile Force Company sa Barangay Dulao, Bago City.
Suno diri, ginsupervise ni Pamittan ang pagpatigayon sang imbestigasyon kag nakighinun-anon man ini sa pamilya sang mga napilasan kag naghatag sang financial support.
Nagapati ang kapulisan nga masobra isa ka persona ang nagpamuno santo sa mga pilas nga naagom sang mga biktima.
May yara man sang nakolekta nga bala sa crime scene kag pagatsekyaron pa agud mahibaluan kun ano nga sahi sang armas.
Suno diri, ang tatlo ka mga pulis ang lunsay may mga issued firearms apang wala ginapahanugutan ang mga personnel nga gamiton ang firearms for personal duty.
Nagpanugyan ini sa kapulisan nga pataason ang personal security agud maprotektahan man ang kaugalingon.
