Aminado ang chairman sang committee on education sa Sangguniang Panlungsod nga wala pa sang petsa kun san-o ang mahatag ang libre nga mga school supplies sa tanan nga public elementary students sa ciudad.
Suno kay City Councilor Al Victor Espino, P15 million ang budget para sa school supplies, santo sa ordinansa nga nagaedad na sang 10 ka tuig.
Suno kay Espino, nagmahal ang presyo sang papel subong gani nagsaka man ang kinahanglan nga pondo, gani paiguon lang ang P15 million gani nagapakig-angot sila sa Department of Education agud nga mahibaluan kun ano ang pwede mabakal gamit ang nasambit nga pondo.
Nagalaom naman ini nga makasumiter ang DepEd sang purchase request para sa P15 million nga pondo nga indi madisappoint ang mga estudyante.
Subong nga school year, 72,000 ang enrolled sa sa mga public elementary schools sa Bacolod, halin Grade 1 tubtub Grade 6.
Suno kay Espino, kinahanglan nila nga macomply ang 21 ka adlaw nga procurement process.
Sang tinalikdan, nagsumiter ang Division of Bacolod City sang purchase request apang P26 million ang kinahanglan nga budget para sa school supplies sang mga estudyante.
Suno sa konsehal, kinahanglan nila nga paiguon lang ang P15 million gani indi pa mahatagan ang DepEd sang nakabutang sa nauna nga PR nga ginsumiter.
Ginpasalig naman sini nga allocated na para sa school supplies ang P15 million, apang siguruhon lang sang city government nga indi madisappoint ang mga recipients.
Indi madali-dali ang proseso suno sa iya apang sa tion nga mafinalize na ang content sang batunon sang mga estudyante, suguran naman ang procurement process.
