Tagsa ka pungsod ang may nagkalain-lain nga relihiyon gani may mga pungsod nga wala nagaselebrar sang Paskwa.
Sa interview sang Bombo Radyo Bacolod kay Cherry Ong, Bombo International News Correspondent sa Taiwan, ang mga Taiwanese ang Buddhist gani wala ang mga ini nagaselebrar sang Christmas.
Suno kay Ong, Barbeque Festival sa tion sang Autumn sa bulan sang Setyembre ang ginaselebrar sang mga Taiwanese.
Suno diri, bisan sa ila barbeque festival nagakanya kanya man ang mga ini sa pagplastar sang ila mga gina-asal.
Ginpahayag man nga ang mga pumuluyo didto ang may kinaiya man kag wala nagapang-agda kun may pagkaon.
Tuman man ang mga ini ka hugot sa pagtamod sang ila mga kwarta gani bisan ang gamay nga cake ang tuman na kamahal para sa ila.
Malayo man ang relasyon sang mga kabataan sa ila nga mga ginikanan bangud pag-edad sang 18 anyos kinahanglan na sang mga ini magtrabaho kag buhion ang ila kaugalingon.
Bangud wala ang mga ini nagaselebrar sang Christmas, wala sang makita nga dekorasyon nga may kaangtanan sa paskwa.
Samtang ang mga Filipinos ang nagakanya-kanya selebrar sang paskwa kag wala man ang mga ini ginahatagan sang Christmas Bonus.
