Duha ka persons of interests ang ginalantaw sang Talisay City Police Station nga may kahimuan sa nagpatay sa babayi nga call center agent nga nasapwan nga wala na sang kabuhi kag wala na sang pang-idalom nga panapton sa higad sang dalan sa Hacienda Nilo Lizarez, Brgy., Matab-ang ciudad sang Talisay, Negros Occidental sang Enero 12, sang aga.
Sa interview sang Bombo Radyo Bacolod kay Police Lt. Col. Salvador Trono, chief of Police sang Talisay City Police Station, paagi sa mga CCTV footages nga nakuha sang mga kapulisan, may yara sila sang duha ka persons of interests nga ginasundan nga mahimo responsable nga nagpatay kay Carl Kimberly Degabi, 31-anyos, residente sang Santa Catalina St. Eroreco Subd. Brgy. Mandalagan ciudad sang Bacolod.
Suno kay Trono, nagalaom ang mga ini nga matumod na sang mga ini ang suspek nga nagpatay sa biktima.
Suno sa hepe, nag-ako ang partner ni Degabi kag ginvalidate nila paagi sa CCTV footage kag nakita nga sila man matuod ang ulihi nga nag-updanay.
Wala pa gid matumod ang rason sang pagpatay sa biktima apang nagapabilin ang tatlo ka anggulo nga mahimo motibo sa pagpatay nga ginalakipan sang ginhimuslan ini santo man sa nakita nga wala na sang panapton; mga post sa social media nga nangscam kag may ginpasakaan ini sang kaso.
Nagpadangat sang pagpakig-unong ang Talisay City Police Station sa nalisdan nga pamilya kag nagpasalig nga ginahimo nila ang tanan agud nga mahatagan sang hustisya ang kamatayon sang biktima.
