Nagpanawagan ang anay gobernador sang Negros Occidental sa mga kabarangayan nga dapat may yara sang pribado nga pumuluyo nga magabantay sa mga proyekto sang gobyerno nga ginapatigayon sa ila tagsa ka Barangay.
Sa interview sang Bombo Radyo Bacolod kay Former Negros Occidental Governor Rafael “Lito” Coscolluela, spokesperson sang TAMA NA Coalition – Negros, indi nagakaigo ang demontrasyon ukon rally lamang bangud dapat may yara sang himuon nga tikang ang mga pumuluyo agud nga punggan ang pagluntad sang korapsyon.
Nagpanawagan si Coscolluela sa mga pumuluyo nga dapat ang tagsa ka Barangay ukon komunidad ang may yara sang nagabantay sa mga proyekto sang gobyerno nga ginahimo sa ila nga lugar agud nga mas mahapos ang pagtapna sang korapsyon.
Suno sa anay gobernador nga ang ila kampanya batok sa korapsyon ang wala natapos sa pag-rally bangud madamo pa sang hilikuton kag dapat may yara sang manabat sa pagpanunto sang mga ini sa pumuluyo.
