Na-evacuate na ang tanan nga mga residente nga nagapuyo sa 6km danger zone sa banwa sang La Castellana matapos ang paglupok sang Bulkan Kanlaon.
Nagdangat na sa 10,820 ka mga pamilya ang gin-evacuate sa banwa sang La Castellana, Negros Occidental.
Sa interview sang Bombo Radyo kay Police Regional Office 6 director Police Brig. Gen. Jack Wanky, may yara sang ginahulat pa nga augmentation gikan sa PRO6 nga may dala nga foodpacks kag tents para sa mga evacuees.
Suno diri, wala na sang may nabilin pa nga pumuluyo sa 6km danger zone bangod mismo ang mga kapulisan ang nagpilit sa ila nga mag-upod padulong sa evacuation centers.
Pahayag ni Wanky, may mga nakadesignate na nga mga personnel sa mga evacuation centers agud mapablin ang law and order kag safety sang mga pumuluyo.
