Mahimo na nga ma-access sang publiko ang tanan nga dokumento sa impeachment trial ni Vice President Sara Duterte paagi sa Senate Website.
Suno kay Senate President Sherwin Gatchalian, kabahin ini sang tikang sang Senado para sa bukas kag maathag nga proseso sang trial, kasubong man sa pagpabilin sang integridad sang institusyon.
Kasunod sini, ginsiguro man sang Senate President ang paghatag sang direktiba sa Senate Secretariat nga siguruhon ang supisyente nga resources agud mapakita sa publiko ang mga dokumento sa pinakadasig kag episyente nga pamaagi.
Bangud sini, mahimo na nga ma-beripika mismo sang publiko ang mga ebidensya nga gin-presentar sa trial.
Ginaagda naman ni Gatchalian ang mga Pilipino nga basahon, usisaon, kag intiendihon ang mga nangin proseso sa trial.
