Nagapati ang Regional Special Investigation Task Group Degamo nga nagapabilin sa Negros Oriental ang mga suspek sa Pamplona massacre kun sa diin napatay si Negros Oriental Governor Roel Degamo kag walo ka iban pa.
Sa press conference, ginpahayag ni Lt. Col. Gerard Ace Pelare, spokesperson sang Special Investigation Task Group, ginselyuhan na sang mga ini ang mga entrance kag exit points sang probinsya kasubong man ang seaports ang ginpabantayan naman matapos nga nagapadayon pa sa karun ang hot pursuit operation sa mga nabilin pa nga suspek sa pagpatay sa anay gobernador kag walo ka iban pa.
Ginpahayag man ni Pelare nga sang nabaton nila ang impormasyon sa nagluntad nga massacre gilayon ang mga ini nagpatigayon sang joint operation kaupod sang Philippine Army nga nagresulta sa pagkadakop sa lima tanan ka mga suspek.
Suno diri well organized kag very strategic ang paghimo sang nasambit nga krimen.
Suno kay Pelare, ginalantaw sang Special Investigation Task Group ang tanan nga angulo para sa imbestigasyon agud masolbar ang kaso kag ginpasiguro man sini nga ang tanan sa Negros Oriental ang nagapangita sa mga nabilin nga suspek.
