Ginselyohan sang Philippine National Police kag Philippine Army ang tanan nga entry kag exit points sa Negros Oriental bilang kabahin sang pagtrack sa mga suspetsado nga nag-assassinate kay Negros Oriental Governor Roel Degamo.
Suno kay Police Regional Office 7 spokesperson Police Lt. Col. Gerard Pelare nga amo man ang spokesperson sang Special Investigation Task Group Degamo, padayon gihapon ang hot pursuit operations sang Philippine National Police kag Philippine Army kag aminado ini nga challenging ang nasambit nga trabaho.
Sa karon, apat na ka suspetsado ang arestado samtang isa naman ang patay sa shootout.
Suno kay Pelare, ginaseal ang tanan nga exits kag entry sa Negros Oriental bilang kabahin sang pagtrack down sa mga suspetsado.
Suno diri, may strategic units nga nakadeploy sa palibot sang Negros Oriental agud masiguro nga madakpan ang nabilin nga mga killers.
Suno kay Pelare, joint operations sang PNP kag Philippine Army ang ginapatigayon gani nangin madasig ang pag-aresto sa mga suspetsado kun sa diin tatlo na ang nadakpan sang Sabado sang hapon.
Ang tatlo ka mga anay miyembro sang Philippine Army ang gindagdagan sang dishonorable discharge sa militar bangud sa kaso may kaangtanan sa illegal nga druga kag iban pa nga mga kaso.
Ginawelcome naman sang Special Investigation Task Group Degamo ang tanan nga impormasyon nga makabulig agud nga madakpan ang mga at large.
Sa estimate sang SITG, indi magnubo sa 10 tubtub 12 ang mga assassins.
Nagapati naman ang SITG nga wala pa nakagwa ang mga suspetsado sa Negros Oriental bangud gilayon nga nakabutang sang blocking forces ang tropa sang gobyerno.
Ginpasiguro naman sang SITG nga ginahimo nila ang tanan agud nga madakpan ang tanan nga mga suspetsado kag indi sila mag-untat tubtub nga mahatag ang hustisya sa pamilya sang mga nagkalamatay.
