Tanan nga Job Order employees sa Bacolod City Government, nakabatun na sang sweldo

Gin-athag sang City Administrator sang ciudad sang Bacolod nga nakabaton sang sweldo ang tanan nga Job Order sa ciudad sang Disyembre kag Department of Public Services (DPS) street cleaners lamang ang wala nakabaton bangod nga natuon ang ila nga cut off sang sweldo sa long weekend.

Suno kay Lucille Gelvolea, ang cut off sang sweldo sang street cleaners ang yara sa Disyembre 30, 2023 apang ini natuon sa holiday apang ang gratuity pay nila nga P5,000 ang nahingagaw nga mahatag.

Suno diri, ila ginaproseso na ang sweldo sang mga street cleaners nga nagatrabaho gid bisan pa nga holiday.