Indi magnubo sa 700 ka mga baboy ang nagkalamatay sa banwa sang San Enrique bangud sa hog cholera.
Suno kay Mayor Jilson Tubillara, nagdangat na sa 700 ang nareport nga napatay nga baboy sa banwa sang San Enrique kun sa diin apektado ang tanan nga 10 ka mga barangay sa San Enrique, samtang yara naman sa red zone ang bilog nga 4th District sang Negros Occidental.
Suno diri, ginalubong ang napatay nga mga baboy bangud mas dako ang gastuhon kun sila ang sunugon.
Suno sa local chief executive, nagagamit ang banwa sang backhoe agud nga makakutkot sang buho nga nagadalom sang anom ka tapak.
Suno sa alkalde, catchbasin ang San Enrique gani kun may mapatay nga baboy sa naibabaw nga bahin kag ihaboy ini sa suba, tanan nga lugar nga malabayan sini ang malatnan bangud virus ang nagadala sang balatian.
Suno diri, may nagakapatay nga baboy kada adlaw kun sa diin wala na sang may makaon bisan ginapanghatag nalang sang tag-iya.
Nagasuggest si Tubillaran nga magpatuman sang border control sa kada banwa ukon ciudad agud nga macontrol ang virus apang wala man sang kasiguraduhan kun indi na ini maglapta ilabi na nga wala sang bulong sa virus.
