100 porsyento sang mga personnel sang Bureau of Jail Management and Penology nga assigned sa Negros Occidental District Jail sa Bago City ang magadonar sang kabahin sang ila sweldo agud ibulig sa gobyerno sa pagkontra sa coronavirus pandemic.
Sa interview sang Bombo Radyo Bacolod kay Jail Chief Inspector Norberto Miciano, warden sang NODJ, ginpahayag sini nga nagaugyon ang mga personnel sini sa pagdonar sang porsyon sang ila sweldo agud ibulig sa gobyerno.
Suno kay Miciano, 1.5 percent sang basic pay sang mga ini ang igadonate apang nakadepende man sa ranggo sang personnel.
Indi man ini mandatory bangud may yara sang authority to deduct form nga ginpapirmahan sa ila bilang pahanugot nga buhinan sang 1.5 percent ang ila sweldo.
Nahibaluan nga may yara sang target ang BJMP nga makatipon sang kapin P7.23 million.
Nahibaluan nga may yara sang 14 mil ka mga personnel ang BJMP kag may yara sang 400 ka mga bilangguan.
Sang damlag lang, nagpahayag man ang Armed Forces of the Philippines nga magadonate man ang mga personnel sang porsyon sang ila sweldo agud ibulig sa gobyerno sa pagpakigbato sa coronavirus pandemic.
