Nakabaton na sang food packs ang tanan nga mga residente sa ciudad sang Sipalay nga apektado sang paglabay sang Bagyo Odette.
Sa interview sang Bombo Radyo kay Sipalay City Disaster Risk Reduction Management Office assistant Salvador Mesa III, padayun sa karun ang relief operations para sa mga pumuluyo kag padayon pa man ang pagpanghawan.
Suno kay Mesa, ginpahayag naman sang Negros Occidental Electric Cooperative (NOCECO) nga magalawig ang ila pagkay-o sang duha ka bulan bangud sa madamo ang nagkalatumba nga mga poste, apang nagpasalig naman nga tinguhaan sini nga mapadasig ang ila pagkaayo agud nga maenergize kag mabalik ang supply sang kuryente.
Sa karun, nagapabilin sa 17 ang patay kag 6 ang missing, apang gin-untatan na ang search operations bangud pila na ka adlaw nga wala sang bangkay nga narekober sang mga rescue teams kag sang sniffer dogs.
Ginatinguhaan man nga magconduct sang rehabilitation agud nga mapadasig ang makabalik kag makarekober ang mga pumuluyo.
Suno kay Mesa, amat-amat na nga nagarekober ang ciudad sang Sipalay nagikan sa halit sang bagyo kag suspesyente naman ang supply sang tubig.
Nagpasalamat naman si Mesa sa mga LGU nga nagbulig kaangay sang Sagay, Cadiz, Binalbagan, kag ang probinsya sang Negros Occidental bangud sa dako ang nabulig sini bangud sa gindonar sa syudad sang Sipalay.
