Ginpahayag sang spokesperson ni Bacolod City Mayor Alfredo “Albee” Benitez nga tanan nga miyembro sang Team Asenso ang magafile sang Certificate of Candidacy sa Oktubre 8 para sa 2025 Midterm elections.
Sa interview sang Bombo Radyo Bacolod Barangay Singcang Airport Punong Barangay Atty. Caesar Distrito, wala pa sang opisyal nga announcement kun ano nga oras sa Oktobre 8 magafile ang grupo kag kun diin sila maga-assemble antes magpadulong sa Comelec office.
Wala pa man nahibaluan kun ano nga posisyon ang padalaganan ni Benitez.
Suno diri, may yara na sang naplastar kun sin-o ang mapapili bilang congresman, mayor, vice mayor kag 12 ka councilor para sa grupo.
Pahayag ni Distrito, hulaton na lamang ang pag-anunsyar sang alkalde sang desisyon sini agud nga mas detalyado kag mas maintindihan sang publiko.
