Tanan nga outlet sang Small Town Lottery ni Congressman Arnie Teves sa Negros Oriental, ginsirado na

Ginsira na ang tanan nga outlet sang Four Aces Resources Management Group Corporation nga negosyo ni Negros Oriental 3rd District Rep. Arnie Teves sa pag-operate sang Small Town Lottery sa probinsya sang Negros Oriental.

Sa interview sang Bombo Radyo kay Police Lieutenant Col. Kym Lopez, spokesperson sang Negros Oriental Police Provincial Office, indi pa ini makahatag sang rason sa pagterminate sang Philippine Charity Sweepstakes Office sa authority to operate ni Cong. Teves sang STL.

Marso 9, alas-7:00 sang gab-i ang last draw sang korporasyon kag na-untat na ang ila operasyon.

Sa karun wala pa sang datos kun pila ang outlet sini apang padayon ang pagmonitor sa tanan nga STL sa probinsya sang Negros Oriental.