Halin sa isa sa pinaka-ginakahadlukan nga insekto, posible nga mangin baganihan pa ang mga tanga sa mga search and rescue operation.
Nakahimo ang pila ka mga researchers sa Singapore sang isa ka espesyal nga 3D-printed diving suit para sa Madagascar hissing cockroach, nga nagahatag sang bastante nga oxygen agud mapabilin nga aktibo sa idalom sang tubig sang tubtob tatlo ka oras.
Katuyuan sang proyekto nga magamit ang mga cyborg nga ipis sa pagpangita sa mga survivor sa mga lugar nga ginabaha ukon ginluntaran sang landslide matapos ang kalamidad.
Suno sa mga scientists, napamatud-an na ang ikasarang sang nasambit nga teknolohiya sa isa ka rescue operation matpaos ang mabaskog nga linog sa Myanmar sang nakaligad nga 2025.
Nagalaum man ang research team nga sa palaabuton, magamit gid ang amo nga teknolohiya sa pagtuon sang planeta nga Mars.
