Personal nga nagkadto ang alkalde sang Tanjay City Negros Oriental agud maghatag sang financial kag medical assistance sa mga nag-evacuate sa Barangay Sto Nino, kasunod sa nagluntad nga engkwentro sa tunga sang militar kag gina-alegar makawala nga grupo.
Sa interview sang Bombo Radyo Bacolod kay Tanjay City Mayor Jose Orlino, 22 ka pamilya ukon 109 ka mga indibidwal ang gin-evacuate sa area kun sa diin nagluntad ang engkwentro kag sila ang temporaryo nga nagatinir sa tatlo ka evacuation centers samtang padayon pa ang clearing sang militar sa lugar.
Suno diri, may ara sang P10,000 nga igahatag para sa kada pamilya, kasubong man foodpacks kag mga medical kits.
Suno diri, apat ka Barangay sa ciudad ang apektado nga ginalakipan sang Brgy. Sto. Niño, Brgy. Pal-ew, Brgy. Bahian, kag Brgy. Sta. Cruz Nuevo.
Magakoordinar man ini sa City Health Office kag sang mga brgy officials agud ma-asses kun ano pa ang dugang nga mabulig sa mga apektado nga pumuluyo.
Mensahe sang alkalde nga nahangpan sini nga mabudlay ang sitwasyon, gani pasalig niya nga yara ang gobyerno sang Tanjay agud magpalab-ot sang bulig.
Pasalig man sini nga padayon ang pagmonitor sang mga otoridad sa kahimtangan sang mga pumuluyo agud masiguro ang ila nga seguridad.
