Patay ang 29 anyos nga tapasero matapos ginsulod kag gintito sa balay sang iya nga tiyo sa Prk. 6 Sitio Nursery Brgy. Bia-o banwa sang Binalbagan, Negros Occidental kaina sang aga.
Ginkilala ang biktima nga kay Berdito Roso alyas Jay-R sang Brgy. Bia-o banwa sang Binalbagan, Negros Occidental.
Sa impormasyon nga nakuha sang Bombo Radyo, ginpahayag sang asawa sang biktima nga alas 5:00 kaina sang aga, duha ka mga lalaki ang nagpamangkot sagwa sang ila balay kun sa diin ang alagyan padulong sa Biao.
Ginpahayag sang asawa nga nagduda siya sa hulag sang duha ka lalaki tubtob nga naggwa ang iya bana.
Apang sang nakagwa ini, gintiro ini sang makaduha ka beses apang wala maigo matapos makaduko kag maka dalagan pasulod sa balay sang iya tiyo sa unhan lamang sang ila puluy-an.
Si Roso nga may pilas sa nagkalain-lain nga bahin sang lawas nga gintunaan sang iya kamatayon.
Tatlo ka mga lupok ang nabatian sa sulod sang puluy-an, samtang nagpalagyo sa gilayon ang mga suspetsado kag nagpalupok pa sang isa ka bes.
Nahibaluan nga Ini nga insidente ang amo kuntani ang respondehan sang mga kapulisan sang Binalbagan Municipal Police Station , apang ginpalukpan sang ginapatihan landmine kag gin-ambush ang ginasakyan nga patrol car sa Prk. Candida Dos Brgy. Bia-o, Binalbagan, Negros Occidental.
