Ginalauman nga malab-ot sa masunod nga tuig ang 1,099 nga target nga numero sang modernized jeepneys nga magabyahe sa ciudad sang Bacolod.
Sa interview sang Bombo Radyo kay Land Transportation Frachising and Regulatory Board Region 6 spokesperson Atty. Salvador Altura, ginatarget ang pag-operate sang 1,099 ka mga modernized jeepneys nga makumpleto sa bulan sang Abril tuig 2023.
Sa karun madamo pa gid sang mga traditional ang nagapadayon sang byahe, 164 ka modernized jeep ang aktwal nga nagabyahe sa siyudad sang Bacolod nga pagadugangan pa sang 274 ka additional unit sa bulan sang Nobyembre.
Apang ginahulat pa ang loan approval sang bangko kag ila ginatrabaho nga sa pag-abot sang katapusan sang Disyembre may yara na sang 438 ka mga modernized jeepney ang mabyahe.
May yara sang sang 53 ka unawarded units sa lima ka ruta nga wala pa nahatagan operators nga ginalakipan sang tag-10 ka units sa Paglaum-Libertad, Alingalan-Burgos, Bredco Port-North bus terminal, CEGASCO- Government Center kag 13 ka unit sa Dona Juliana -Central Market nga bukas sa publiko sa may luyag mag-intra sa modernization program sang LTFRB, samtang 1,046 naman ang awarded units.
Ginalantaw nga sa maabot nga Nobyembre 15, may yara sang 175 ka units ang ma operate sa siyam ka routa sa siyudad sang Bacolod.
Pahayag ni Alturaa, kung may ara sang kulang sa maga units, sila ang magarequest sang dugang pa.
