Wala nalab-ot sang Bureau of Internal Revenue (BIR) ang target sini para sa tobacco excise tax collection bangud sa pagpadayon gihapon sang iligal nga pagbaligya sa Pilipinas.
Suno sa ahensya, ang ila nga total tobacco excise tax collection sang nagligad nga tuig ang yara lamang sa P134 billion.
Kulang ini sang P51 billion agud kuntani malab-ot ang P185 billion target collection sang 2023.
Ang nakolekta sang nagligad nga tuig ang mas manubo man ipaanggid sa P134.91 billion nga natipon sang BIR sang 2023.
Ginalantaw sang bureau nga factors kun ngaa indi nila malab-ot ang ila target amo bangud naglain na ang consumption patterns sang mga nagasigarilyo lakip na ang pagsaylo sa vape, kag ang pagpabilin sang illicit trade sa market mangin sa online platforms.
Naka-conduct ang BIR sang at least 141 raids sa illegal vapor products kag tatlo sa illicit cigarettes sang nagligad nga tuig.
Una na nga ginpahayag ni Finance Secretary Ralph Recto nga nagakadulaan ang gobyerno sang P52 billion sa revenues bangud sa tobacco and vape smuggling.
