Nakaangkon na sang kasugtanan sa taripa sanday US President Donald Trump kag President Ferdinand “Bongbong” Marcos Jr. sa ila ginpatigayon nga bilateral meeting sa Washington D.C.
Suno kay Trump, 19 percent na lamang ang taripa nga ipatuman sang Amerika sa Pilipinas samtang wala naman sang taripa nga bayaran ang Estados Unidos sa pungsod.
Antes ini, gintawag sang US President si Marcos nga isa ka “great leader and tough negotiator.”
Suno kay Trump, palangga sang Amerika ang Pilipinas kag ginarespeto ang leader sang pungsod.
Ginakabig man sini nga produktibo ang nangin pagbisita sang Philippine President sa White House.
Madamo nga pungsod ang nagnegosyar kay Trump matapos sini gin-anunsyar ang taripa nga igapatuman sa ila mga produkto nga mangin epektibo sa Agosto 1.
