Magalibot ang Task Force Disiplina sang syudad sang Bacolod agud mapatuman ang minimum health protocols sa Valentine’s Day sa Pebrero 14.
Sa interview sang Bombo Radyo sa pinuno sang Task Force Disiplina nga si Wilfredo Geolingo, pagatsekyaron ang pila ka mga establisyimento nga masami ginakadtuan sang mga magkahagugma kag mga pamilya kun Valentine’s Day kaangay sang mga restaurants, mga hotels kag mga beaches nga nahamtang sa ciudad.
Kampante man si Geolingo nga fully vaccinated naman ang mga tawo nga nagaplano nga maggwa ukon magdate sa February 14.
Nakig-angot naman ang Task Force Disiplina sa mga owners sang mga kalan-an kag lalagawan nga ila pahanumdumon pirme ang mga tawo nga nagakadto sa ila nga area nga indi magkampante kundi sundon ang mga minimum public health protocol kadungan sa pagselebrar sang Valentine’s Day.
Nahibaluan nga nag-amat-amat naman nubo ang kaso sang COVID 19 sa syudad sang Bacolod sa mga nagligad nga inadlaw.
